Эрдэнэт Мах Маркет” ХХК нь 2002 онд үүсгэн байгуулагдсан мал төхөөрөх, мах боловсруулах үйлдвэр юм. Манай үйлдвэр Улаанбаатар хотоос баруун хойд зүгт 380 км-т Монгол орны төвийн-хойд бүсэд дэд бүтэц сайтар хөгжсөн Эрдэнэт хотод байрладаг.
Орон нутагтаа мах экспортлох “ААА” зэрэглэлийн итгэмжлэл бүхий анхны үйлдвэр болсон түүхтэй. Үүсгэн байгуулагдсан цагаасаа хойш мал төхөөрөх, мах боловсруулах үйлдвэрийн бүхий л стандарт шаардлагыг хэрэгжүүлэн ажиллаж буй үндэсний шилдэг үйлдвэрүүдийн нэг юм.
Бид махны үйлдвэрлэлийн бүхий л үе шатанд чанар, гарал үүсэл, эрүүл мэнд, хүнсний аюулгүй байдал зэргийг хатуу хянаж, өндөр шаардлага тавьж ажилладаг. 

Одоогоор манай компани 100 гаруй мэргэшсэн ажилтан, албан хаагчтайгаар олон дамжлага бүхий үйлдвэрлэлүүдийн үйл ажиллагааг явуулж байна.

Бид Тал нутагт өсөж торнисон
Монгол малын махыг дэлхийд
таниулан ажиллахдаа үргэлж
бахархалтай байдаг.

Малайз улс-руу мах нийлүүлэх шалгаруулалтад Монголын дөрвөн үйлдвэр шалгарсны нэг нь манай үйлдвэр юм. Бид өдрөөс өдөрт экспортын үйлдвэрийн үйл ажиллагаагаа олон улсад тэлсээр байна. Манай компани нь өөрийн брэндийн нэрийн дор 50 гаруй төрлийн ангилсан, бэлдсэн, хагас боловсруулсан бүтээгдэхүүн үйлдвэрлэдэг. Эдгээр бүтээгдэхүүнүүд нь манай үйлдвэрийн нэрийн барааны дэлгүүр, гэрээт дэлгүүр болон харилцагч байгууллагуудаар дамжуулан худалдаалагддаг.
Бид дотоодын зах зээлд томоохон үйлдвэр, уурхай, сургууль цэцэрлэг, зочид буудал, сүлжээ ресторан, хоолны үйлчилгээ үзүүлдэг байгууллагууд болон сүлжээ дэлгүүрүүдийн дэргэдэх хоол үйлдвэрлэлийн цехүүдэд мах махан бүтээгдэхүүнүүдийг тогтмол нийлүүлж байна.